Gerçekleri Görmezden Gelenler…

14.09.2017 17:04

546 Kişi Okumuş

0 Yorum

Gerçekleri Görmezden Gelenler…

Halik Bahadır

Xalqın çoxdan oğru-korrupsioner, çapqınçı-soyğunçu rejim ruporu olaraq tanıdığı AzTV-lər yolsuzluq yolçularıyla dolub-boşalmaqdadır (deyilənə görə). 24 ilin yalançı AzTV-lərinə indi kim inanasıdır? Ən azı, kor-kor, gör-gör gerçəyindən az-çox ağlı, düşünmək bacarığı olan kimsə AzTV-lərin indiki qaraqışqırıqçı yalanlarına azacıq da olsa inanan deyil, ancaq… rejim üçün saman çöpünə əl atmaq gərəyi yaranıb.
Çox pis ilişiblər! İlişmək var, ilişmək var – bu ayrı ilişməkdi! 24 illik soyğunçuluq faktının soyundurulması faktı ilə üzləşiblər! Bütün dünya qarşısında “kral lütdür!” obrazındadırlar! İllərlə xalqı aldatmaq üçün televiziya ekranlarından barmaq silkələyib “məmur qudurğanlığından” danışan, dönə-dönə qudurğan məmurları cəzalandıracağını desə də, indiyədək onlardan birini də cəzalandırmayan prezident 24 ildən bəri yaratdıqları korrupsiya rejiminin gec-tez doğurmalı olduğu qaçılmaz görsənişlə üzləşib.

Olduqca çətin durumdadırlar, buna görə indiyədək danışdırmağı gərəkli bilmədiklərini danışdırırlar: Diplomat Tofiq Zülfüqarov, biznesmen Mübariz Məsimov, vəkil Elçin Qənbərov. (Hələ çox “minalarını” partladacaqlar!) Alınmır, alınmayacaq: ortadakı faktın PARLAQLIĞINDAN, ölkədəki GÖTÜRÜM durumdan çıxış yolu yalnız hakimiyəti atıb qaçmağa qalır!

Burada sözügedən üç adamın üçü də ÖLKƏNİ, DÖVLƏTİ ÇÖKÜRTMƏYƏ yönəlik BÖYÜK KRİMİNAL faktına QULLUQ yolu tutduğundan özlərini… yolsuzluq yolçusu olaraq tanıtdılar!
Kimlərsə M.Məsimovu qorumağa qalxıblar. Görəsən kimlər? Sözsüz, yolsuzluq yolçuları! Bütünlüklə korrupsiya bataqlığına batırılmış “Azərbaycan dövləti” ilə bağlı açıq-açığına yalançı “inkişaf” nağılları danışan M.Məsimov gerçək kimliyini açıb ortaya qoydu: bitdi, qurtardı!
Elçin Qənbərov professional etika qurallarını ayaqlayıb keçdiyinə, gerçək VƏKİL adını ləkələdiyinə görə… bitdi, qurtardı!
Diplomat Tofiq Zülfüqarov bircə elə 16 min bəlit-sənədlə doğrulanmış 3 milyard dollar oğurluq faktını yalan yerə Qarabağ adına bağladığına görə… bitdi, qurtardı!
Bu biri yandan da zalımın qızı Mariya işləri lap korladı. Rusiya XİN-in sözçüsü Mariya Zaxarovanı deyirəm. Mariyadı-Marusyadı-nədi, qaş düzəltmək istəyən yerdə vurub gözü də çıxardı. Mariya Zaxarova Əliyevlərin 3 milyard dollar oğurluq faktı ilə bağlı nə desə yaxşıdır: “Batı Rusiyanın müttəfiqlərinə, konkret olaraq Azərbaycana (oxu: Əliyevlərə!) basqı göstərir”. Diplomat Tofiq Zülfüqarov da, biznesmen Mübariz Məsimov da, AzTV-lərin bir çox bəlli çıxışçıları da beləcə “kirə” çıxdılar! Bir çağlar İ.Əliyev “Rusiya bizim strateji müttəfiqimizdir” demişdi, indi bunu Xocalı soyqırımını törədən Qarabağı qanlı qırğın yoluyla əlimizdən alan Rusiya özü dedi! Ax, Mariya, Mariya!

Azerbaycan Azadlıq gazetesi

İlgili Terimler :

YORUMLAR